Wie ut kermis-/jubileum-weekend veur de deur stônd zièn weej dus mit ein versnapering richting Holt-Blierick getaoge um efkus hendjes en ein paar kösmuulkes te gaon gaeve.
Weej hadde os rippertoire “perfek” aangepas aan de invölling van d'n "Limburgse aovend” en kôste d'r dan ouk ônder groeëte belangstelling lekker op los tettere.
Naodet alleriers "de Wörm" en daonao "Eige Wiès" al waat muzikale klanke hadde laote huuëre, ware weej zoeë rond de klok van nege aan de beurt.
Aansloètend hebbe weej nog ens de veutjes euver de vloer laote vleege ônder de lekkere klanke van de "party-biëste" van "HUH....?", um oètintelik de zaal oètgevaeg te waere rônd de klok van twieë, waat inkele minse ‘s anderdaags mit ein duf köpke meuste bekoupe!