Rote Funken Platz-Konzert 2007

Rote Funken Platz-Konzert

Zaoterdaag 25 augustus 2007:

Flabbedeius steit klaor um op d’n trein nao Kölle te stappe, veur ‘t 2e Rote Funken Platz-Konzert.

Um ein oor of 10 vertrok d’n Boemel richting Pruusses. De lòch zoot nog potdich, maar det moch ‘t plezeer neet drökke dan waal, de korte boks langer make. Net onderwaeg woorte door sommige al de brueëdjes “getrokke”, en völde de coupe zich met lekkere, ambachtelikke dampe van “de Pièp” oet Blierick, zoeëdet Marco al zien 1e jeugtrauma van den daag had opgelaupe. Auk andere ware stikkend jaloers, gezeen eur kommentare!

Wie weej de Stasie van Kölle binnerolde, brook de zon oètbundig door en had “Die Bahn” zich netjes aan euren “Fahrplan” gehalde, waat door vuuël as al ziër positief woort ervare, gezeen os ervaringe van veurig jaor. Netuurlik woort iers effe beej “Früh” gestop veur ein paar klep, wao de obers trouwens nog steeds in de stress scheete, beej ut zeen van mezièkinstrumente!
Rònd hallef ein woort ut tièd veur de oètreiking van ‘t “Rote-Fünkschen” 2007/2008 en trok ut gehièl nao ‘t inmiddels door òs op de kaart gezatte Rote-Funken-Plätzchen. Auk “Das Oberkommando” had waat aan “up-grading” gedaon, gezeen eur schoeëne Flabbe-mutskes! ‘T “Fünkske” van aafgelaupe jaor, de Fäös, had in samespraok mit de organisatie, ein schoeën kleinnoëd laote make beej Nelisse, maar meus det dus noow toch in gaon levere veur zien opvolger(s).

Nao ein welkomswaord en eine gas staekweurd van “Das Oberkommando”, waas ut toch waal duudelik, det ‘t “Fünkske” van dit jaor nao ein Kemissie zoel gaon, aangezeen de oètkomste op 2 persoeëne slooge.
“Splinterke” (Nico) en “De Schouw van Van Lieberge” (Geert) meuge zich noow, veur ein jaor, drager van ‘t “Fünkske” neume, veur euren geweldigen inzet! Auk ‘t “alde” Fünkske, Roel, woort neet vergaete en zoeë woort ‘t “Rote-Funken-Plätzchen” veur eine daag umgeduip tot “Rote Fäöske Plätzchen!

Nao alle officieel gewazel, woort ut tièd um òs instrumente te laote spraeke. Op de Fischmarkt woort flink gaas gegaeve, waat os “Flabbedoeës”, ziër ten goije kwaam. Broèdspare, Tanzgruppen, Dahmenklubs en umstanders woorte òndergedompeld in ein werm bad van noeëte oèt òs sessies op diverse plekke in Kölle.
“Nao gedaone arbeid is ut good röste”, waat weej dan auk maar beej “Papa-Joe’s” hebbe gedaon. Aansloètend woort d’r good gebik beej “Chicago”, ein grillrestaurant. Weej hebbe vernaome, det nao det weej dao gewaes ware, d’r verschillende noeëdt-slachtinge in gans Kölle en umgaeving hebbe mòtte plaatsvinde, um de res v/d gaste van dit restaurant, nog van vleis te kinne veurzeen!

Nao ein ieske of “nog eine Letste” beej Früh, rolde weej maar waer ens in de richting Venlo en kòste weej truuk kièke op einen schoeënen daag.

De groete,

John

Wie weej de Stasie van Kölle binnerolde, brook de zon oètbundig door en had “Die Bahn” zich netjes aan euren “Fahrplan” gehalde, waat door vuuël as al ziër positief woort ervare, gezeen os ervaringe van veurig jaor. Netuurlik woort iers effe beej “Früh” gestop veur ein paar klep, wao de obers trouwens nog steeds in de stress scheete, beej ut zeen van mezièkinstrumente! Rònd hallef ein woort ut tièd veur de oètreiking van ‘t “Rote-Fünkschen” 2007/2008 en trok ut gehièl nao ‘t inmiddels door òs op de kaart gezatte Rote-Funken-Plätzchen. Auk “Das Oberkommando” had waat aan “up-grading” gedaon, gezeen eur schoeëne Flabbe-mutskes! ‘T “Fünkske” van aafgelaupe jaor, de Fäös, had in samespraok mit de organisatie, ein schoeën kleinnoëd laote make beej Nelisse, maar meus det dus noow toch in gaon levere veur zien opvolger(s).

	Nao ein welkomswaord en eine gas staekweurd van “Das Oberkommando”, waas ut toch waal duudelik, det ‘t “Fünkske” van dit jaor nao ein Kemissie zoel gaon, aangezeen de oètkomste op 2 persoeëne slooge. “Splinterke” (Nico) en “De Schouw van Van Lieberge” (Geert) meuge zich noow, veur ein jaor, drager van ‘t “Fünkske” neume, veur euren geweldigen inzet! Auk ‘t “alde” Fünkske, Roel, woort neet vergaete en zoeë woort ‘t “Rote-Funken-Plätzchen” veur eine daag umgeduip tot “Rote Fäöske Plätzchen!
Nao alle officieel gewazel, woort ut tièd um òs instrumente te laote spraeke. Op de Fischmarkt woort flink gaas gegaeve, waat os “Flabbedoeës”, ziër ten goije kwaam. Broèdspare, Tanzgruppen, Dahmenklubs en umstanders woorte òndergedompeld in ein werm bad van noeëte oèt òs sessies op diverse plekke in Kölle. “Nao gedaone arbeid is ut good röste”, waat weej dan auk maar beej “Papa-Joe’s” hebbe gedaon. Aansloètend woort d’r good gebik beej “Chicago”, ein grillrestaurant. Weej hebbe vernaome, det nao det weej dao gewaes ware, d’r verschillende noeëdt-slachtinge in gans Kölle en umgaeving hebbe mòtte plaatsvinde, um de res v/d gaste van dit restaurant, nog van vleis te kinne veurzeen!