Vastelaovend 2007

Vastelaovend 2007

Op Vastelaoves-vrièdaag rònd de klok van halluf nege klònke de klanke van “Merieke en ziene Huzaar” door 't bòmvolle Café ‘t Labierint’. Tradisiegetrouw hebbe weej dao de vastelaovend aafgetrap in òs rippetisielokaal. Nao ein al aeve zoeë euverweldigend optraeje ein waek ierder op de Motteballebal, zien weej vol vertrouwe aan deze veur òs ziër muzikale vastelaovend begòs.
Zaoterdaag waas 't veur ein aantal van òs laeje weer vruug op um richting de parade te trekke, alwaor òzze muzikaal leider Joris en de band Huh? t publiek mochte vermake. Andere hebbe eur plekske gezòch beej 't Prònke, de Boètezitting of d’n Blauwe Zaoterdaag wao Neutjes Rang ein keur aan Vastelaoves-klein-kuns prissenteerde. D’n einigsten daag zònder muzikale inspanningen van Flabbedeius…

Zòndaag trek in Bliërick tradisjoneel de groeëten optoch en in Venlo de kinderoptoch. Zoeëwaal in Venlo as in Bliërick is hard gewerk um de Flabbedeikes de vastelaovend mit de paplaepel in te gaeve. Bewaopend mit tròmme, träöte en sambaballe hebbe die jònge sfeer gebrach in en naeve d’n optoch.
’s Aoves ware weej weer aan de bak. Um kwart op ach mochte weej veur 't twieëde jaor òs opwachting make op de Joekskepèlleparade. Naodet veurig jaor Willem de Parade op ziene kop zat mit zien legendarische wäörd Hallooooooooooo Venlooooooooooo, waas hae dit jaor pleite. Op vekansie waal te verstaon ?
‘Kinse dae….Kinse dae….Kinse dae det is toch zonne gooije, kinse dae…’ Dees wäörd schalden euver de Parade en hebbe we vanaaf det moment nog huuuuuuul dök gezonge! Alweer eine fantastische aovend mit nog ein paar leuke daag in 't veuroètzich.

‘As weej olms zien dan geit dae Carnaval nog precies zoeë wie hae altièd is gegaon, dae vastelaovend, dae vastelaovend’
Det die wäörd van ein leedje van dit jaor werkelijkheid zien hebbe weej beweze. As middelpunt deende de rònde taofel beej Hotel Restaurant American aan de Ponywaeg. Mit behöllep van olmse kleijage en entourage en ònder 't genot van Jägermeister en wörskes, die as sigare deende, waort dao op zien olms vastelaovend gevierd. We blònke weer ens oèt in schaele wazel. Toen moos d’n optoch nog gaon beginne!

Wie andere jaore hebbe weej d’n optoch weer mit leuke vastelaovesmezièk opgeluusterd. Nao aaflaup zien we truuk gegaon naor de ‘Rònde Taofel’, wao we nog flink hebbe gezonge en auk meziek gemak mit ein collega kepèl. 't waas alweer eine geweldige daag. En waat hebbe weej dao toch weer eine joeks gehad.

‘Zulle weej dan now maar naor de Broelof gaon…’ Vastelaoves-dinsdaag waas de groeëte daag veur Joekskepèl de Mootwörm en veur Jan en Chrisje in 't biezonder. Zeej waorte in d’n ònech verbònde. D’n daag begòs vruug, um zes oor waal te verstaon. Taege hallef ach vertrokke weej al speulend op de wage van de Mootwörm um de broèdegom op te haole. Dao waorte we òntvange mit Apfelkorn en Jägermeister en stònde d’r lekkere worstebruuëdjes klaor. Vervolliges zien weej de broèd gaon ophaole aan de Poswage. Auk dao weer 't zellefde ritueel, aete en drinke. Toen waas 't tièd um richting de Jocus Hoonderstal te gaon en dao aan te schuuve beej de Koffie-tuiterie. Lekker kerboèt mit kroèt en ander smakelik greij.

Daonao waas 't lang wachte wies weej weer vol aan 't werk mochte. Veur 't stadhoès hebbe weej de minse geruume tièd veurzeen van HoeëgeFlab klanke terwiel d’n optoch maar hiel lankzaam door de Venlose straote trok. Wie 't gezelschap aangekòmme waas hebbe weej 't ganse gebeure same mit Hoeëge Noeë(d)t muzikaal opgeluusterd. En asof we nog neet genòg geträöt hadde, hebbe we in 't Stadhoès auk nog gespeuld. Naodet 't serieuze werk op 't Stadhoès gedaon waas, zien we richting 't Weishoès gegaon. Dao stond lekkere Vastelaoves bik klaor van de karbinder. Wie alle schaale door Leon laeg gescherd ware, zien we veur de letste kiër ‘Boere, Börgers en Boeteluuj’ gaon träöte beej Kefee Eugenia. Toen zoot 't officiële gebeure d’r op.

Maar wie altiëd zien d’r beej die neet mier kinne stoppe. Op nao de Merret tösse de massa efkes evaluere en de naodors probere veur te bliève. Weej ware per slot van raekening pas 15 oor ònderwaeg. Dao speulde "Zoemaar" de letste Vastelaovesleedjes veur ein bòmvolle Merret, wies um twellef oor 't aaflegge begòs. Lankzaam begòste auk de letste volhalders 't op te gaeve en ginge muug maar ziër voldaon nao hoès. En wie zich det huurt zoeë tösse det Venlose Vastelaovesgepeupel mòt 't ‘leukste publiek van Venlo’ oeteraard wies 't allerletste blieve (2.30). De mòs per slot van raekening waal mit feite dien verhaol in tante Bet kinne onderbouwe.

't is gedaon, maar neet veur lang want euver ein maond of nege staon weej d’r weer. In vol ornaat klaor veur eine huule vruuge vastelaovend. Wies 5 jannewari 2008 op d'n Boeremoosbal!

Waat eine fantastische vastelaovend!

Bob

Op Vastelaoves-vrièdaag rònd de klok van halluf nege klònke de klanke van “Merieke en ziene Huzaar” door 't bòmvolle Café ‘t Labierint’. Tradisiegetrouw hebbe weej dao de vastelaovend aafgetrap in òs rippetisielokaal. Nao ein al aeve zoeë euverweldigend optraeje ein waek ierder op de Motteballebal, zien weej vol vertrouwe aan deze veur òs ziër muzikale vastelaovend begòs. Zaoterdaag waas 't veur ein aantal van òs laeje weer vruug op um richting de parade te trekke, alwaor òzze muzikaal leider Joris en de band Huh? t publiek mochte vermake. Andere hebbe eur plekske gezòch beej 't Prònke, de Boètezitting of d’n Blauwe Zaoterdaag wao Neutjes Rang ein keur aan Vastelaoves-klein-kuns prissenteerde. D’n einigsten daag zònder muzikale inspanningen van Flabbedeius…
Zòndaag trek in Bliërick tradisjoneel de groeëten optoch en in Venlo de kinderoptoch. Zoeëwaal in Venlo as in Bliërick is hard gewerk um de Flabbedeikes de vastelaovend mit de paplaepel in te gaeve. Bewaopend mit tròmme, träöte en sambaballe hebbe die jònge sfeer gebrach in en naeve d’n optoch. ’s Aoves ware weej weer aan de bak. Um kwart op ach mochte weej veur 't twieëde jaor òs opwachting make op de Joekskepèlleparade. Naodet veurig jaor Willem de Parade op ziene kop zat mit zien legendarische wäörd Hallooooooooooo Venlooooooooooo, waas hae dit jaor pleite. Op vekansie waal te verstaon ? *‘Kinse dae….Kinse dae….Kinse dae det is toch zonne gooije, kinse dae…’* Dees wäörd schalden euver de Parade en hebbe we vanaaf det moment nog huuuuuuul dök gezonge! Alweer eine fantastische aovend mit nog ein paar leuke daag in 't veuroètzich.
	*‘As weej olms zien dan geit dae Carnaval nog precies zoeë wie hae altièd is gegaon, dae vastelaovend, dae vastelaovend’* Det die wäörd van ein leedje van dit jaor werkelijkheid zien hebbe weej beweze. As middelpunt deende de rònde taofel beej Hotel Restaurant American aan de Ponywaeg. Mit behöllep van olmse kleijage en entourage en ònder 't genot van Jägermeister en wörskes, die as sigare deende, waort dao op zien olms vastelaovend gevierd. We blònke weer ens oèt in schaele wazel. Toen moos d’n optoch nog gaon beginne!
Wie andere jaore hebbe weej d’n optoch weer mit leuke vastelaovesmezièk opgeluusterd. Nao aaflaup zien we truuk gegaon naor de ‘Rònde Taofel’, wao we nog flink hebbe gezonge en auk meziek gemak mit ein collega kepèl. 't waas alweer eine geweldige daag. En waat hebbe weej dao toch weer eine joeks gehad.
*‘Zulle weej dan now maar naor de Broelof gaon…’* Vastelaoves-dinsdaag waas de groeëte daag veur Joekskepèl de Mootwörm en veur Jan en Chrisje in 't biezonder. Zeej waorte in d’n ònech verbònde. D’n daag begòs vruug, um zes oor waal te verstaon. Taege hallef ach vertrokke weej al speulend op de wage van de Mootwörm um de broèdegom op te haole. Dao waorte we òntvange mit Apfelkorn en Jägermeister en stònde d’r lekkere worstebruuëdjes klaor. Vervolliges zien weej de broèd gaon ophaole aan de Poswage. Auk dao weer 't zellefde ritueel, aete en drinke. Toen waas 't tièd um richting de Jocus Hoonderstal te gaon en dao aan te schuuve beej de Koffie-tuiterie. Lekker kerboèt mit kroèt en ander smakelik greij.