Op 14 oktoëber waas ut intelik weer zoëwied. De fans van joekskepel Flabbedeius woordte door de joekskepel oétgenüëdig in kefee ut Labierint veur de jaorlikse fanclubdaag. Einen daag waorop de laeje van de kepčl eur fans verwinne. En det verwinne besteit oét prachtige en veural ouk leuke mezičk make, wat pilskes kleppe, wat hepkes aete en veural gezellig wazele en bazele.

De, vanwaege de tradisie, óndertösse beroemde en euverlekkere waofels van Sjaklien, lachde ós beej ut binnekómme alweer aan. De middaag woort, naodet de fans zó’n bietje allemaol binne ware, geäöpend door de nieje veurzitter, Bob, dae idderein van “harte” welkóm hoot en daornao ziene veurgenger verschrikkelijk hertelik bedankde veur zien jaorelange leiding van de kepel. Eigelik, zoë bleek, duit idderein waal wat in de kepel want vreewaal idderein is bedank gewore. Ouk Paula, van d’n aanhang, det had veur echte Flabbedeius beerviltjes gezörg.
	Daornao woort ut tiéd veur ein stök meziek. Det geit d’r in Venlo altiéd waal in. En wasse ouk dök kós hüëre deze middaag is: “die maedjes en die jónge waere nog idder jaor baeter”! Sóms zien d’r, zelfs op die paar veerkante maeter, ouk waat beginnende schwungbewaeginge waorgenaome!
Euver de “nachwuchs” van Flabbedeius hoof nemus zich zörg te make. Waat hadde die jónge lol met eur kwant geschminkte snüëtjes. En waat makde die al meziek! Die greuje óngetwiefeld euver ein paar jaor zoë de kepel in. Ein dink veel aevel taege: ut weer waas te good! Det mót toch de raeje zien veur de wat liëgere opkóms dan andere jaore. Maar de minse die neet gewaes zien, hebbe ongeliék gehad. Ut waas kwant, ut waas gezellig en ut woort nog laat ouk!

Names de fans van Flabbedeius, dank aan alle laeje van Joekskepel Flabbedeius veur weer eine schoëne fanclubdaag.

Jan Buskes