Joeksdaag 2007

Joeksdaag 2007

Zaoterdaag 3 november, elf oor, in huize Buskes kump ’t gajes van Flabbedeius beej mekaar veur alweer eine Joeksdaag. Gèn instrumente, maar allein mekaar um zich te ammezere. Nao ein tas kòffie klumme we in de pedale en zette we koers nao....jao, wao gaon we dit jaor noow weer haer... Taurus veurbeej....de Brouwerie veurbeej....hotel Roland veurbeej....hé, richting Thermaalbad Arcen...gaon we saunaje of kriège we allemaol ein lekkere massage??? Det klink neet verkiërd!!

’t organizerend damescomité löp voltallig beej de recepsie van 't thermaalbad nao binne, maar kump al snel weer nao boète: Verkiërde recepsie, we mòtte ein stök wiejerop zien. Dao kin me fietse en zoeë heure ... gaon we messchien solex-rieje??? Maar nae, nao ein keteerke waere we opgehaold dao eine knöl, dae òs nao eine verlaote zölder brink wao, tösse de chips van gisteraovend, ein aantal spelle staon opgesteld.

Jaowaal, ald-Arcense speule, det is de bedoeling veur dae middaag. Op de vraog of we waat te drinke kinne kriège antwoord ’t knölke; “Nee, dat kan niet, maar het duurt toch maar 2 uur”... Gelökkig had iddere spelrònde eine groep vreej en hadde die tièd um aan d’n andere kant van ’t gebouw klep te gaon haole. Òndanks ’t ouboligge karakter van de spelle waas ’t (uiteraard) toch gezellig en nao goije tradisie hebbe we òzze kersverse veurzitter maar laote winne.
Umdet we tièd zat hadde, zièn we op d’n truukwaeg toch nog maar efkes beej de brouwerie gaon kièke. (en kleppe)

Ein paar glaze beer later ging ’t weer wiejer richting Venlo, waobeej John en Nico in idder dörpke nog efkes zièn gestop um Nico zienen band op te pòmpe. Det ging good wies Sjaklien zienen band ouk de geis goof in Venlo. Sjaklien achterop, fiets mit Nico mei nao hoès, en kòste we weer door.
Op nao hotel American in de stad wao kaegele op ’t programma stònd. Aansloètend ein buffet-chantant mit alde Venlose nummers. Dao kin Café Chantant 'Beej Baer de Woers' nog ein puntje aan zuùge...En zoeë zònge we òs nao ’t ind van alweer d’n 9e joeksdaag.

Ein paar zièn d’r nog ein aafzakkertje gaon neme in Baer de Woers en as allerletste zièn Geert en Willem nog in Old Dutch gaon kièke. Wie det is aafgeloupe waas op ’t moment van schriève nog neet bekind...

't waas weer eine geslaagden daag, dames bedank!!
Nico

’t organizerend damescomité löp voltallig beej de recepsie van 't thermaalbad nao binne, maar kump al snel weer nao boète: Verkiërde recepsie, we mòtte ein stök wiejerop zien. Dao kin me fietse en zoeë heure ... gaon we messchien solex-rieje??? Maar nae, nao ein keteerke waere we opgehaold dao eine knöl, dae òs nao eine verlaote zölder brink wao, tösse de chips van gisteraovend, ein aantal spelle staon opgesteld.

	Jaowaal, ald-Arcense speule, det is de bedoeling veur dae middaag. Op de vraog of we waat te drinke kinne kriège antwoord ’t knölke; “Nee, dat kan niet, maar het duurt toch maar 2 uur”... Gelökkig had iddere spelrònde eine groep vreej en hadde die tièd um aan d’n andere kant van ’t gebouw klep te gaon haole. Òndanks ’t ouboligge karakter van de spelle waas ’t (uiteraard) toch gezellig en nao goije tradisie hebbe we òzze kersverse veurzitter maar laote winne. Umdet we tièd zat hadde, zièn we op d’n truukwaeg toch nog maar efkes beej de brouwerie gaon kièke. (en kleppe)
Ein paar glaze beer later ging ’t weer wiejer richting Venlo, waobeej John en Nico in idder dörpke nog efkes zièn gestop um Nico zienen band op te pòmpe. Det ging good wies Sjaklien zienen band ouk de geis goof in Venlo. Sjaklien achterop, fiets mit Nico mei nao hoès, en kòste we weer door. Op nao hotel American in de stad wao kaegele op ’t programma stònd. Aansloètend ein buffet-chantant mit alde Venlose nummers. Dao kin Café Chantant 'Beej Baer de Woers' nog ein puntje aan zuùge...En zoeë zònge we òs nao ’t ind van alweer d’n 9e joeksdaag.