Òndanks ziene volle agenda had Sinterklaos beslaote um dit jaor ein bezeuk te bringe aan ózze koedeljach. Iddderein waas bliej verras, nae det hat neemus verwach.

Weej ware oetgenuuëdig um 24 November nao zien tièdelikke residensie in “d’n Hazewind” aan de Herungerwaeg te kómme. Idderein waas op tied en ós koedeljach waas al volop bezig met kleure,knippe en plekke. Veur de opa’s en oma’s stònd d’r lekkers op taofel. Naodet idderein ein heise stum had van het zinge (ouk ens waat anders veur ein joekskepèl) waas ‘t tièd, det Sinterklaos kwaam. Beejgestaon door twieë gediplomeerde Pieten woort hae door ózze veurzitter welkom geheite. De koedeljach had de tòng vasgeplek, want ‘t woort waal hueël erg stil.

Sinterklaos wis netuurlik alles en leet idder kind nao veure kómme (sommige meuste daobeej geholpe waere door Pap of Mam). Daonao kwaam ‘t veurnaamste veur de koedeljach, de kedoos. Idderein waas tevreeje en naodet alle bitterballe op waare vertrok Sinterklaos weer, want hae had netuurlik nog vueël te doon. ‘T waas erg leuk gewaes en Sinterklaos zoel kièke of hae volgend jaor weer kós, ouk umdet hae had gehueërd det Flabbedeius ein erg vruchtbare kepèl is (as alles good is zien d’r volgend jaor weer miër kinder beej !).

PS.: sorry det allein de ierste regels op rijm zien (volgend jaor zal ‘t verslaag gans op rijm zien).

Groetjes,
Piet zonder träöt .