9 jannewarie 2008; Optraeje met de Mustangs beej de reünie van de ald broedspare van de boerebroèlof

Idder jaor môt ut nieje boerebroelofsgezelschap zich veurstelle aan de broedspare van vervlaoge jaore. Dus auk de Mustangs. Weej woorte ingedeild um eur te begeleide beej dees prissentasie. Um hallef ach meuste we verzamele beej D'n Maagdenberg; bleek dao, det we pas ein oor later acte de presence hoofde te gaeve. Maar det moch de pret neet drökke. We hebbe in ut kefeeke nog efkes lekker gespeuld en de minse van De Mustangs kreege d'r al zin in, weej trouwes auk. Taege kwart veur nege ging ut loos, mediageile Gijs wis d'n handel nog effe op te halde in verband met ein interview veur L1 tillevisie in ut kader van de joekspartizane.

Met de boerebroelofsmars en ut holadiejeja wiste we de zaal op òs hand te kriege en de stumming zoot d'r metein in. Ald en jônk door mekaar, ut pakde zich good en d'r woort heerlik meigezônge. Sjraar Peetjes, Gé van Beek, de winnende 4 leedjes en neet te vergaete Bob zien idool May Anröchte, de ganse venlose crème de la crème waas aanwezig. En neet de vergaete weejzelf...we hadde gedach met geluudsterke "kamermeziëk" te môtte speule maar ut taegendeil waas ut geval.. ut slaagwerk haet heerlik op 't vel gemep, de schuuf meus regelmaotig gesmeerd waere... de flatterzunge....!

Ut waas ech waan, Flabbedeius in kombinatie met Gé van Beek en Sjraar Peetjes.....de bruudjes van net nao d'n oorlog die nummers oèt de alde doës aan ut meizinge ware euver "de dreksker" ein nummer wao minnigein nog noeits van gehuurd haet.. Samenvattend: einen aovend wao me gruuëts op kin zien desse d'r beej waas.... ut veult aan wie ein werme daeke.
Veur ut volgend jaor hebbe we alweer gerisserveerd beej Gé van Beek ! Geit hae òs auk vraoge veur ein optraeje beej "De Waus" in 2009? D'n tièd zal ut liere.
De kop is d'r in idder geval aaf... en hae veulde erg good!