Op zôndaag 16 maart, eine raegenachtigen daag, trok d'n traditionele Palmhöltjesoptoch weer daor de venlose binnestad. De kinder ware op de woensdaagmiddaag veuraafgaond aan de palmhöltjesoptoch in de gelaegenheid gesteld um palmhöltjes te make. Det waas meugelik beej de Kinderboerderie en auk beej 't ald Weishoës. Veuraafgaond aan d'n optoch waas ut meugelik um ut palmhöltje te laote zaegene in de Martinuskerk, met op d'n achtergrônd de toeëne van ut leedje Palmhöltje gespeuld daor JK 't Hetje. Met Fortissimo veurop vertrok d'n optoch um 12.00 oor,.. gevolg daor ca. 100 kinder en ein aantal joekskepèlle waorônder netuurlik JK Flabbedeius.

Ut waas ein bônte verzameling van allerlei palmhöltjes die daor de stad trôk. Nao ut défilé, aafgenaome door Wethalder Janssen en Robert Simons, veurzitter van 't Kindercomité krege de kinder nog ein lekker ieske, aangebaoje daor de kastelijns van de Mert. Ein aantal leeje van Flabbedeius haet dees aktiviteit aafgeslaote met ein bezeuk aan d'n Dorstigen Haen.