Weej heite ôg van herte welkôm op de website van Joekskepèl Flabbedeius, ein leuk, jônk en joeksig gezelschap van 20 persoeëne, det is opgerich in 1998. Veer minse hebbe destièds ‘t initiatief genaome um dees kepèl op te richte door vrinde en bekinde te benadere mit de vraog of zeej zin zoèle hebbe um same meziék te gaon make. Inmiddels meuge we waal concludere det we min of miér ein vrindestel zien gewaore.

Flabbedeius beteikent volges ’t Venloos woordebook letterlik ‘zot of dwaas’, en inderdaad, joeks hebbe weej hoeëg in ’t vaan staon, geliék daonao kômme netuurlik de muzikale aspiraties. Gezeen ut feit, det de meiste van ôs gen noeëte kôste laeze wie we zien begôs mit ‘t bespeule van ein instrument, is ut veur minnigein ein prestatie te neume as we bekiéke waat veur toeëne ze noow oét eur instrument weite te kriége.

Sinds 2006 hebbe we auk ein prachtig vaandel, gemak door ein van ôs fans: Loes Janssen. 't vaandel haet zienen duip gehad op de prissentasie van 't boerebroèlofsgezelschap van de Mootwörm.

Minse, kiék op ôg gemaak ens rônd op ôs site en weej haope det geej d’r van geneet. Heb ge opmerkinge of tips, laot ôs det dan efkes weite. Geej kint ôs netuurlik auk steune door fan van Flabbedeius te waere, wie det werk vindt geej op de site ônder ‘t köpke “fans”.

Wae wet zeen weej ôs binnekort beej ein van ôs optraejes, 't programma steit in de “agenda”.

Joeksige groete,