Weej wille ôg heejbeej informere, det Joekskepèl Flabbedeius beslaote haet um met ut fanflab-concep te stoppe. Al diverse jaore probere weej dit hendjes en vutjes te gaeve, maar môtte concludere det weej heejveur neet aan ôs verplichtinge kinne voldoon. Wies op d’n daag van vandaag is eine jaorlikse fandaag neet tot uuting gekômme, waodoor weej daorum dit bijzonder lidmaatschap opheffe. Veur diegene die dit betref ôs excuses, maar middels deezen breef in idder geval nog ôzze hertelike dank veur ôg jaorlikse beejdrages.

Echter … neet getreurd. Ein van de raeje waorum dit is misgelaope, is de inmiddels zier suksesvolle Flabbedeius Venloosche MeizingMiddaag. Ut is gebleke det neet allein ôs fanflabs heejveur nao “In d’n Dorstigen Haen” in hertje Stad zien gekômme, maar auk euverige femilie, vrinde, bekinde en vastelaovesvereiniginge. Sinds twieë jaor bringe weej deeze gezellige middaag, en weej gaon heej veurluipig mei door. Ut is zelfs zoeëwied gekômme det weej dit auk in vastelaovendvierend Serum gaon bringe.

Ondanks det ein lidmaatschap as fanflab neet mier aan de orde is, kint geej as fan oeteraard altiëd ein vreejwillige beejdrage beej ôs achterlaote. Det kin op ôs bankraekening (SNS-bank 82.07.25.323), maar weej zulle heejveur auk op 16 Jannewari 2011 ein meugelikheid ingelaste.

Geej zult in de aanlaup nao ut vastelaovesseizoen nog eine niejsbreef van ôs toegesteurd kriege, maar hald alvas dees website.

Heb geej nog vraoge of opmerkinge, neem dan gerös contact op met ein van ondergeteikende.

PR-zake Joekskepèl Flabbedeius,