LKZH 2005

Limburgs Kampioenschap Zaate Hermeniekes 2005

Woensdaagaovend half 10....efkes pauze tièdes de rippetisie....ingekômme stökke....ein oètnuuëdiging veur ut Limburgs Kampioenschap Zaate Hermeniekes....hebbe we veurig jaor nae op gezag....is waal leuk....och, waat kin ut verrekke....we doon mei!!! Zeg maar taege Marcel, det hae ôs opguuëf !!! Maar, waat doon we dan??? Al snel wuuërd beslaote um as Muppets mei te doon. Ein paar waeke later ligge d’r dreej daor Joris geschreve arrangemente klaor en kin ut rippetere beginne;

De intro van de Muppets is good te blaoze en zit d’r snel in. Beej Manamana is ut werk veur de schuuve, maar dan kump de klapper....ut ind van de Muppets....kompleet mit toënsoortwisseling....as alle kruutse en molle geblaoze waere klink ut fantasties, maar as det neet zoeë is......

De dames make mutse mit kikker-auge um de hiëre op Kermit te laote lièke, maar eur eige outfit blièf nog ein verassing. Ouk de twieë alde op ut balkon waere geregeld, “Max“ Waldorf en ”Arno“ Städler, um ôs optraeje van “gepas” commentaar te veurzeen. Um ôs visueel te ôndersteune beej ut nummer Heidi hebbe we op ôzze fenclupdaag twieë echte Heidi’s weite te strikke (Loes en Annemie Janssen). Op 29 oktober is ut dan zoeë wièd, we vertrekke vaoèt de femiliekerk mit ein volle bus mit fans richting Zitterd. Ônderwaeg wuurd in Baolder nog efkes gezweid nao Marcel, dae thoès krank in bed leet (op van de zenuwe??).

Nao loëting blièk, det we al as 11e meuge speule. Tièd zat ouk um ôs röstig “veur te bereide”. We waere geschminck en dan kinne we de zaal in um alvas ein glaeske beer te drinke. De dames kômme ôs ein eurke later as echte opgedoefde Miss Piggies versterke. Willem begint um negen aor al mit ut rippetere van ziènen intro. Dae zit d’r taege d’n tièd, det we opmôtte dan ouk good in. Zund det hae is vergaete wao hae op de bühne môt gaon staon.

Geert guuëf, vlak veurdet we opmôtte, nog efkes ein interview veur TV Limburg. Gelökkig, det ’t veur de tillevisie waas, anders had hae ôs noeits geluif, dette det ech gedaon had. Ouk ’t optraeje is vaerder aan Geert veurbeej gegaon, maar good, det we ouk dao opnames van hebbe!! Op de bühne blièk inens, det de twieë Heidi’s nog ‘ne Peter versierd hebbe (de Fäös).

Nao aafloup van de optraejes blièk, det we 4e zièn gewaore, 1 ½ punt baove de Mootwörm. Vuuël punte zièn gescoord op ’t punt zaatste hermenieke, maar dae priès is veur ’t twieëde jaor op riej (terech) nao d’n Heiten Haspel gegaon. Op einen inkeling nao had allein Gijs nog puf en zin genôg um nog mezièk te make, de watjes.

De dames make mutse mit kikker-auge um de hiëre op Kermit te laote lièke, maar eur eige outfit blièf nog ein verassing. Ouk de twieë alde op ut balkon waere geregeld, “Max“ Waldorf en ”Arno“ Städler, um ôs optraeje van “gepas” commentaar te veurzeen. Um ôs visueel te ôndersteune beej ut nummer Heidi hebbe we op ôzze fenclupdaag twieë echte Heidi’s weite te strikke (Loes en Annemie Janssen). Op 29 oktober is ut dan zoeë wièd, we vertrekke vaoèt de femiliekerk mit ein volle bus mit fans richting Zitterd. Ônderwaeg wuurd in Baolder nog efkes gezweid nao Marcel, dae thoès krank in bed leet (op van de zenuwe??).
Nao loëting blièk, det we al as 11e meuge speule. Tièd zat ouk um ôs röstig “veur te bereide”. We waere geschminck en dan kinne we de zaal in um alvas ein glaeske beer te drinke. De dames kômme ôs ein eurke later as echte opgedoefde Miss Piggies versterke. Willem begint um negen aor al mit ut rippetere van ziènen intro. Dae zit d’r taege d’n tièd, det we opmôtte dan ouk good in. Zund det hae is vergaete wao hae op de bühne môt gaon staon.
	Geert guuëf, vlak veurdet we opmôtte, nog efkes ein interview veur TV Limburg. Gelökkig, det ’t veur de tillevisie waas, anders had hae ôs noeits geluif, dette det ech gedaon had. Ouk ’t optraeje is vaerder aan Geert veurbeej gegaon, maar good, det we ouk dao opnames van hebbe!! Op de bühne blièk inens, det de twieë Heidi’s nog ‘ne Peter versierd hebbe (de Fäös).
Nao aafloup van de optraejes blièk, det we 4e zièn gewaore, 1 ½ punt baove de Mootwörm. Vuuël punte zièn gescoord op ’t punt zaatste hermenieke, maar dae priès is veur ’t twieëde jaor op riej (terech) nao d’n Heiten Haspel gegaon. Op einen inkeling nao had allein Gijs nog puf en zin genôg um nog mezièk te make, de watjes.